der schlafende

zurueck

schlagwortsuche


friedhof der kinderreime
adieu
Wenn's Martinsgleggli lytet

Wenn's Martinsgleggli lytet,
waiss z'Basel jedes Kind,
dass das e Fraid bedytet,
und längt sy Kässeli gschwind.

Denn d'Resslerytti locke
und d'Rosekiechliständ.
Me lullt e siesse Mogge,
und s'Gligg nimmt gar kai Änd.

Die brave Kinder dängge
an d'Orgelimännli no,
und d'Gotte derfe schängge,
's wird jede Batze gno.

Zwai Wuuche duurt si numme,
die liebi, scheeni Mäss.
Derno isch alles umme
und waidlig im Vergäss.

Kommentar:

Martinsgleggli = Glöckchen der Martinskirche
Fraid = Freude
Resslerytti = Karussell
Mäss = Herbstmesse (Kirmess/Rummel)

Geschrieben von Anna Keller (1879-1962)

engel

zurück